Pahale ye jan lete hai firqe ke bareme quran aur hadith me kya aya hai.
Fir quran hadith ke roshni me ham dekhenge kownsa firqa haq par hai.
Allah pak Quran me farmata hai Surah al-anam ayat 159-160 allah farmata hai momino allah se daro jaisa ki usse darne ka haq hai aur marna to musalman hi marna. Aur Allah Ke rassi ko majbuti se thame rakho Jeen logo ne apne deen ke hisse kar liye aur khud bhi firqe firqe ho gaye unse aye nabi tumko kuch kam nahi unka kam allah ke hawale. Fir allah unhe bata denga ki wo log kya karte the.
Allah Ke Rasool (S.A.W) Ka Farman
Hadith no. 3992 : Sunan-e-Ibn-e-Majah Allah ke Rasool (S.A.W) ne farmaya :
Yahudi 71 firqo mein taksim hue usme se 1 Jannati tha. Aur Isai 72 firqo mein taksim hue unme se 1 Jannati. Phir Aap (S.A.W) ne farmaya : Kasam hai mujhe us Rab ki jiske hath mein meri jaan hai meri ummat zaroor 73 firqo mein bat jayengi jisme se 1 jamaat Jannat mein jayengi Hadith no. 3992: Sunan-e-Ibn-e-MajahBani Israil 71 firqo mein taksim ho gayi thi aur meri Ummat 72 firqo mein taksim ho jayengi aur 1 ke siwa wo sab firqe Jahannum mein jayenge aur wo 1 jamaat hai jo Jannat mein jayengi.
Firqe Ka Matlab Hota Kya Hai Pahle Ye Jan Lete Hai
Firqa ye 1 arabic word hai jiska mana hota hai tut kar alag hona. Jaise ki ped se pattiya tut kar alag ho jati hai use arabi me firq bola jata hai. Same aise hi jo jo asal deen e Islam se hat kar apne alag alag namo ke firqe bana liye hai isi ko asal me firqa bola gaya hai. Jo chiz apni asal chiz se tut kar alag ho wo firqa hai
⬇️⬇️⬇️
Note : To ab zara sochiye ki firqa sahi kaise ho sakta hai wo to tut kar alag ho chuka hai. Isiliye asal deen wahi hai jo hamare nabi a.s ne diya hai. Isiliye hame unhi chizo ko follow karna hai jo hamare nabi ne bataya hai apni marzi se ya kisi ki kahi hui baat ko hame follow nahi karna hai hame sirf ye dekhna hai ki Quran aur hadith me allah aur uske rasool ne hame kya hukm diya hai usi ke mutabik hame zindagi guzarni hai tab ham kamyab hai. aur yehi wo 1 jamaat hogi jisko allah ke rasool S.A.W ne jannati jamaat bola hai ki jo mere aur mere sahaba ke bataye raste par chalenga wo jannati hai. Allah ke rasool S.A.W ka akhiri khutba: Allah ke rasool S.A.W ne apne akhri khutbe me bhi farmaya hai ki mai tum me 2 bhari chize chod kar ja raha hu 1 allah ki kitab Yani quran aur dusri meri sunnat yani jo aaj hamare pas hadith ki shakl me hai.
Gaor Kare
- Aaj ham apni akhirat ko itna bhi serious nahi lete ki jitna ham is duniya ko liye baithe hai.
- Ye zindagi to 50 se 100 saal ki hai iske baad jo asal zindagi hai wo hamari akhirat ki hai. Ye duniya 1 exam hall hai allah ne hame duniya me paida kiya aur apne bando ko bata bhi diya hai ki zindagi kaise guzarni hai Quran hadith ke zariye. To ab agar ham allah ke bataye raste ke mutabik zindagi guzarte hai to akhirat me pass hai otherwise akhirat me fail ho kar Jahannum me dal diye jayenge aur wo bada bura thikana hai. Aur akhirat hi wo asal zindagi hai jo hamesha baki rahne wali hai.
Firqo Se Bachne Ke Liye Hame Kya Karna Chahiye
- ”Aaj ke maulviyo ne public ko gumrah kar rakha hai aur apni dukaane chala rahe hai”
- Isme gultiya hamari bhi hai humne kabhi khud se deen ko samajhna hi nahi chaha. Aaj agar hum khud Quran tarjame se padhte Hadith jaante to ye maulvi hume koi galat baat batate ya gumrah karte to hum gumrah nahi hote.
- Isiliye allah ne quran me farmaya hai meri rassi ko majbuti se thame rehana aur allah ki rassi quran hai. Jisne ise thama hai use koi gumrah nahi kar sakta.
- Aure ye molvi hame bolte hai quran direct na padhna gumrah ho jaonge Inhe allah se darna chahiye ki muazallah allah ki kitab kisiko gumrah kar sakti hai.
- Aaj Islam me kahi firqe ban chuke hai barelvi, deobandi, wahabi, ahle hadees, sunni, shia Inhone sab ne apne alimo ki baato ko allah se jyada tarji di hai aur ummat ko apni kitabo se apni alimo ke aqide se chala rahe hai naam ki quran hadith se.
- Naam islam ka le rahe hai lekin aqide apne babao alimo ke de rahe hai. Jaise kisine ummat ko mazar par laga diya hai to kisine koi dusre kamo me. Aur hadd to ye hai ki hamare kuch anpadh log jinhe samaj nahi hai wo ise sawab ka kam samaj kar kar bhi rahe hai.
- Isiliye jab tak hum khud allah ke deen ko serious nahi lenge khud nahi janenge padhenge tab tak hame log gumrah karte rahenge.
Hame Quran Ke aqide Ke mutabik Allah ki rassi yani quran ko majbuti se pakde rakhna hai aur firqo me nahi batna hai.
Hame 1 jamaat banke rehana hai aisehi jaise sahaba the unhi Ke aqido ko follow Karna hai inshallah ham kamyab honge.
Aur koi bhi aalim ya molvi hame koi deen ki baat bataye to hame unse sawal karna hai ye quran hadith se kaha se sabit hai.