Apni Zaban Se Kisiko Ko Kuch Galat Bolna
- Zuban se diya hua zakam itna gehara hota hai ki bas Insan Marta nahi, Lekin uski mohabbat mar jati hai
- Allah quran Surah baqrah ayat 83 me farmata hai Logo ke Sath acchese aur narmi se baato karo
- Aur tum me sabse behatar insan wo hai jo apne ghar walo ke sath accha ho
- hame chahiye ki logo ke sath acchese pyar se pesh aaye kyuki insano me akad Allah ko pasand nahi
Zut Bolna
- Zut bolne se tumhare kaam to ban sakte hai Aur tum Paisa bhi Kama sakte ho Lekin barkat khatam ho jati hai
- Musalman zuta nahi ho sakta, agar ham zute hai to yakinan ham musalman nahi hai
- allah Quran Surah Al Hajj ayat 30 me farmata hai lagi lagayi baato se bachte raho yahi tumhare haq me behatar hai
Gussa Karna
- Gussa Insan ko andha Kar deta hai aur Imaan ko kamjor, yakinan Bahadur Insan wo hai Jo Apne gusse ko kabu me rakhe
- Gussa aana Insan ki fitrat me hota hai isiliye ye buri chiz nahi hai Lekin iska izhar karna ye buri chiz hai
- Bukhari Muslim me aata hai agar hame gussa aaye to “Auz billahi min’shaitanir azim” padhe Taki shaitaan hamare gusse pe havi na ho
Raaz Ki Baat Kisiko Batana
- Agar hame kisika raaz malum chale ya kisiki koi burai maloom chale to usse chupa do, kyuki aapke bhi aise Kahi raaz hai jise allah ne chupa rakhe hai
- Yad rakho Allah ko gibat bilkul pasand nahi, ye 1 azim gunah hai
- Allah Quran Surah Al hujurat ayat 12 me farmata hai ek dusre ki gibat chugli na kiya Karo ye aisa kam hai jaise tum apne mare huve bhai ka gosht Khao kya tum ye pasand karonge, Allah se daro beshaq Allah bada bakshne wala meharban hai.
Galat Ka Sath Dena
- Yad rakho Allah insaf Karne walo se mohabbat karta hai, Agar tum faisla Karo to insaf se karo chaho wo dusre ke haq me Kyu na ho
- Allah Quran surah hud ayat 113 me farmata hai Jin logo ne hamari nafarmani ki tum unki taraf na hona warna tum bhi dozak ki aag me lapet diye jaonge.
- Isiliye Jo baat haq ho wahi bolni chahiye galat aur zuto ka sath nahi Dena chahiye
Tol Mol Me Kami Karna
- Yakinan agar aap tol mol me kisika haq marte hai to uss bechare ko bhalehi na pata chale Lekin uska rab sab dekh raha hai aur wo insaf Karne wala hai, Tumare rab ki pakad bohot majbut hai usse koi nahi bachne wala
- Allah Surah Al mutaffifin ayar 1-3 me farmata hai nap tol me kami Karne walo ki kharabi hai ‘ jo auro se nap Kar le to Pura le aur Jo unko nap tol ke de to Kam de ‘ Kya inhe Allah ka dar nahi Allah insaf Karne wala hai
- Nap tol me me kami karn gunah ka Kam hai, hame Allah ke azab se darna chahiye
- Jo dhokha deta hai wo ham me se nahi hai.
Takabbur Karna
- Takabbur Insan ko andha bana deta hai, Jisme Insan ko Sab ki galti nazar aati lekin khud ki nahi
- Aur jiske dil me rai ke dane ke barabar bhi takabbur hua wo jannat me nahi jayenga
- Quran surah an nahl ayat 23 me farmata hai Allah takabbur karne walo ko hargiz dost nahi rakhta
Wada Khilafi Karna
- wada todna koi choti baat nahi Hadith me aata hai ” jo shaqs ahad Pura nahi karta uska Koi Deen Imaan nahi “
- Quran surah an Nisa ayat 58 me farmata hai Allah tumhe huqm deta hai ki logo ki amanat logo ke hawale karo usme khayanat na karo
Logo Se Jalan Rakhna
- Kisi bhi shaks ko Allah koi chize se nawaz de to hame ye baato nahi karni chahiye ki isko itna kaise mil gaya wagaire, Kyuki usko bhi rizk dene wali zat Allah ki hai.
- Sunan Ibn E Majah hadith no. 4210 : Kabhi kisise hasad na rakhna hasad aur jalan hamari nekiyo ko aise kha jata hai jaise aag lakdi ko.
Rishtedaro Se Nafrat Rakhna
- Jo Insan parivar walo se rishta tod deta hai Allah usse barkat chin leta hai
- Allah Quran surah Muhammad ayat 22 me farmata hai Jo Apne rishte naate tod deta hai uspe Allah ki lanat hai.
Zina Karna ( Gair Talukkat Rakhna )
- Allah Farmata hai tum zina ke nazdik bhi na jaana kyuki ye Imaan ko khatam Kar deta hai
- Aur yad rahe jab gair mard aurat Zina karte hai to to unke bich tisra shaitaan hota hai.
Allah Hame Tamam Chote Bade Gunaho Se Bachaye Rakhe… Ameen..